【明報專訊】香港近年強調「超級聯繫人」角色，身兼立法會對外聯絡小組委員會主席嘅梁美芬噚日同傳媒茶敘，話委員會已經有聯絡名單，打算先邀請RCEP（區域全面經濟伙伴關係協定）成員國代表去議會，亦考慮邀請東盟、「一帶一路」沿線國家等駐港領事，第二批邀請歐盟國家；下一階段就揀外訪地方，首選RCEP國家，至於近日局勢緊張嘅中東，梁美芬話交流照舊，但未必出訪住。