【明報專訊】中東打仗令油價飈升，立法會財委會噚日通過撥款，為每公升柴油提供3元補貼。議員何君堯喺會上質疑，政府以自由市場為藉口推卸管控油價嘅責任，放任油商「趁火打劫」。主持會議嘅民建聯陳克勤就話相關意見同會議主題無關，無叫官員回答，而官員亦無回應。何君堯會後喺facebook炮轟陳克勤為政府「護短」，話陳表現難睇。