【明報專訊】機場二號客運大樓5月27日啟用，機管局噚日凌晨先搵700人「踩場」，參與「Summer Blow 2026」演習，模擬10號風球下唔同部門嘅應急工作，例如機管局當值人員、航空公司地勤同機場保安負責引導同控制人流，並派水同乾糧畀旅客（圖）、停機坪就做登機橋繫固及還原工作、機場緊急應變中心負責協調同重新編配航班等。演習仲模擬熱帶氣旋逐漸遠離嘅恢復工作，包括啟動的士派籌電子系統等。