【明報專訊】近年香港強調「超級聯繫人」角色，韓國共同民主黨國會議員閔丙德噚日就去到立法會，同立法會議會聯絡小組委員會交流。委員會主席梁美芬同Emily講，會上有委員向閔丙德提到，香港好有興趣加入RCEP（《區域全面經濟伙伴關係協定》），不過「可能有啲地方有阻力，或者佢哋（韓國議員）可以幫手推廣吓」。梁美芬又預告，聯絡小組想邀請更多RCEP成員代表溝通，亦有東盟代表下個月來港「傾吓偈」。