【明報專訊】繼上月選委界別立法會議員樓家強喺會議誤問另一議程內容，噚日再有「新丁」議員唔啱規矩。事緣建測規園界劉文君喺開會討論「部門首長責任制」時連問兩條問題，其中一條問及下一議程。不過相比樓家強被主持會議嘅陳紹雄阻止，今次主持會議嘅周小松就畀劉繼續問，仲叫局長照答。