【明報專訊】噚日五一勞動節，運輸及物流局喺社交專頁發文，提及局長陳美寶（Mable）應工聯會邀請，聯同立法會主席李慧琼噚日去咗港鐵綜合輪對維修中心（iWMC），探訪前線維修工友，為大家打氣。局方話Mable衷心感謝每個喺節日堅守崗位嘅前線員工。佢哋又參觀iWMC四大維修工序同三大數碼化系統，知道大部分工序𠵱家只需工程人員遙距操作，大幅減少體力勞動，更提升咗整體工作安全。