【明報專訊】做到第三屆嘅立法會議員何君堯不時有惹火言論，早前仲先後焫㷫民建聯主席陳克勤同財政司長陳茂波。佢噚日傍晚喺社交平台發帖，話一日內「竟然」有3家報章及網媒點評佢近日嘅言論，提到自己一直「愛國愛港且愛講」，又話負面新聞令人心寒，諗諗下仲有啲頭痛，「小時後（候）當感到風寒不適，我一定聽阿爺話，立刻搽啲驅風油！」仲貼埋驅風油嘅圖片。