【明報專訊】今屆嘅立法會議員，個個都要開地區辦事處，地產及建造界黃浩明同工聯會理應關連不大，但佢同勞工界議員李廣宇就伙屯門區議員馮沛賢喺友愛邨開地辦。黃浩明仲大談勞工權益，喺噚日地辦開幕禮上話，要結合地區網絡與執行能力，全力爭取資源，推動屯門各項民生改善，「為街坊處理房屋、社福、勞工權益等大小事務」。