【明報專訊】立法會議員又要做「學生」，噚日出席立法會安排嘅學習會。噚日獲邀去立法會教書嘅，係香港大學首席副校長、經濟學講座教授王于漸，講題係「變化中的經濟和民生環境」。立法會主席李慧琼形容呢個課題好重要，話議員一定會好好吸收王教授嘅真知灼見，全力協助政府將北部都會區打造成香港未來發展嘅新引擎。