【明報專訊】旅發局今年以「香港夏日盛會」之名，包裝幾項喺暑假舉行嘅活動，重頭戲係本月19日起一連13日喺尖沙嘴舉行嘅「永明香港國際龍舟節」，活動除咗有兩日國際龍舟邀請賽，星光大道仲會有美食街同啤酒樂園。旅發局主席林建岳話暑假係旅遊黃金檔期，局方聯同商界推出一系列共幾十萬份優惠，大家目標非常清晰，就係希望吸多啲過夜客，帶動消費。