【明報專訊】新一屆立法會議員上任超過5個月，近日有報章專欄話部分「新丁」議員未進入角色，仲點名旅遊界江旻憓、社福界陳文宜。前議員江玉歡（圖）噚日喺社交媒體評論，話5個月應該「乜都上手，見到成績」，遑論議員有團隊幫手，「非一人之力」。佢話如果議員只係「周圍去做親善大使」，自己「唔收貨」，市民希望見到議員為業界、為市民發表中肯意見。