【明報專訊】馬會翻新咗沙田彭福公園，將當中7700平方米區域改為「小馬大本營」，開放畀公眾參觀，持票者可以參觀馬房、同迷你小馬合照，而3至14歲嘅朋友仔仲可以體驗騎小馬。馬會話希望透過參觀體驗及近距離接觸小馬，畀大家加深對馬匹嘅了解，培養對馬術活動嘅興趣，預計「小馬大本營」每年服務約1.7萬人次。