【明報專訊】今年係貿易發展局成立60周年，下周二（16日）會舉辦前主席論壇，邀請歷任掌舵人重聚，探討未來60年嘅發展。貿發局主席馬時亨噚日接受港台訪問，透露今次眾多前主席中最難邀請嘅係經常周遊列國、長期唔喺香港嘅吳光正。馬時亨話自己再三勸說，對方先肯預留時間參與。佢又透露同吳光正淵源深厚，早喺1974年於美國大通銀行工作時，當時嘅直屬上司正係吳光正。