【明報專訊】世界盃決賽周香港周五凌晨開鑼，衛生署噚日提供「睇波攻略」，提醒球迷捱夜睇波要注意身體狀况。衛生署話，睇波時應避免久坐不動，盡量定時伸展或走動，亦可以一邊觀賽一邊原地踏步；而無酒精飲品同樣可歡度好時光，建議市民睇波時唔好飲酒，更唔應該逼朋友「鬥酒」、「劈酒」；如果煙癮發作可以試吓洗面同飲水，分散注意力。