【明報專訊】有人嘅地方就一定有是非，議事堂亦唔例外。經民聯梁美芬（圖）前日下晝喺立法會提出有關深化香港國際法律樞紐建設嘅無約束力議員議案，有網媒報道話佢原本同其他議員預告打算中途離場去西環開會，請大家幫手喺辯論期間發言，引來不具名議員話佢「另類拉布」。梁噚日話自己辯論期間一直喺會議廳，反擊「匿名議員」係「思想有如以前的反對派，滿腦子都想製造混亂，惟恐天下不亂」，又公開邀請對方公開辯論。