【明報專訊】香港郵政噚日公布喺7月至12月發行5套特別郵票，包括一套6張「二十四節氣——冬」嘅立冬、小雪、大雪、冬至、小寒同大寒，話想畀大眾認識冬季節氣。其實香港郵政喺2020、2023同2025年已經發行過「二十四節氣」系列嘅春、夏、秋季特別郵票，今次終於可以儲齊整全套喇。另一套特別郵票係「香港今昔系列：九龍城區」，當中刻劃過去幾十年區內變化，例如九龍寨城變咗九龍寨城公園、啟德機場變咗啟德體育園等，合共4張。 睇番資料，「香港今昔系列」喺2020及2023分別以維港同郵政總局做主題。