【明報專訊】中學文憑試（DSE）下月放榜，唔少中學生已透過「學校推薦直接錄取計劃（SNDAS）」跨過大學門檻。佛教沈香林紀念中學學生陳芮楠（圖）獲港大文學士及教育學士（中文教育）雙學位課程取錄，佢同Emily講自己好易冇自信，每次比賽都好驚，好彩中文科老師不斷支持，鼓勵佢參加演講同寫作比賽。講起學齡人口下降擔唔擔心難搵工，佢就話「係呢班中學老師成就咗今日嘅我，所以就算出面環境幾難搵工，我都好想投身中學教育，好似我嘅老師一樣，用自己嘅生命影響生命」。芮楠嘅同班同學謝展程亦經計劃升讀科大理學。