【明報專訊】今屆政府即將踏入任期最後一年，噚日部分傳媒刊登財政司長陳茂波（圖）訪問。被問到連任意向，陳茂波多謝記者關心，又話「對我嚟講，就係畀心機努力，繼續努力做好呢個工作」。對於動用40億元公帑收購宏福苑業權，陳茂波強調係「特殊個案入面嘅特殊性質」，最重要畀居民「有得揀」；至於居民日後嘅居住安排，佢話如果需要增加撥款，政府會向立法會申請。