【明報專訊】早前有傳媒報道立法會社福界「新丁」議員陳文宜（圖）未積極主動就社福議題發聲。身兼社聯行政總裁嘅佢噚日同社聯主席、選委界別議員管浩鳴約傳媒飯敘交流，並派新印卡片，上面印有新嘅「電話熱線」。Emily傳WhatsApp信息打招呼後收到陳嘅助理回覆，話佢同陳議員會睇呢個號碼嘅信息，又話陳平日信息量太多，「如果你日後有啲乜嘢查詢或者邀請佢做採訪，歡迎你用呢個號碼聯絡我哋」。