【明報專訊】全體立法會議員下個月去北京參加國情研習，噚日有報道話，由立法會主席李慧琼兼任主席嘅行政管理委員會將訂製統一款式領呔同絲巾，要求議員到時戴上。據Emily了解，正喺北京開人大常委會會議嘅李慧琼留意到報道，朝早喺議員通訊群組轉載，並澄清唔係強制議員一定要戴；噚日多名議員都同Emily講，未收到須統一配飾嘅通知。