【明報專訊】四年一度嘅世界盃如火如荼，將軍澳佛教志蓮小學原定下月15日凌晨兩點半舉行「世界盃之夜」，家長同學生可以返學校睇四強賽事，引起網民熱烈討論。不過校方噚日同Emily講，經考慮同根據家長意向，活動改期提早至下月12日，即係由睇四強變睇八強，話想更多家長同學生透過觀賽、互動體驗及學習攤位等，學習尊重同合作等價值觀，並鼓勵學生多做運動。