【明報專訊】世界盃如火如荼，立法會足球隊前晚亦迎來首次正式訓練，去咗啟德體育園AC米蘭足球學院練波。科創界邱達根喺facebook發帖話，獲本港足球名宿楊健強及人稱「大山sir」嘅山度士教導，除咗提升技術，更重要係加強默契，為日後賽事做好準備。佢話雖然個個跑到成身汗，但平日工作繁忙，難得舒展筋骨、增進感情，大家都好滿足。