【明報專訊】懲教署日前於社交平台上載名為「Obsession 糖衣陷阱」嘅AI禁毒短片，被網民質疑有宣傳毒品的反效果，懲教署前日凌晨1點將短片下架，改為時長10秒嘅剪輯版，傍晚再將該剪輯版本短片下架。懲教署高級監督吳基恒噚日話，製作影片嘅原意係希望透過受青少年歡迎嘅方式宣傳禁毒信息，承認有不足之處，將會檢討，未來再製作類似短片時會更嚴謹地考慮清楚，盼做得更好。