【明報專訊】海洋公園6隻大熊貓6至8月期間生日，大熊貓龍鳳胎家姐「加加」、細佬「得得」踏入兩歲。園方用大熊貓生日做主題舉辦「玩轉夏日大熊貓生日大派對」，增設唔同打卡位、玩水活動畀市民同慶。園方設有「Panda Friends慶生玩水大本營」，有水簾、大水桶等各種大熊貓主題玩水設施；逢周六日有慶生小隊帶備水槍舉行音樂派對，畀入場者盡情濕身玩樂。