【明報專訊】每逢七一中環長江集團中心正門外3支旗竿都會改掛國旗及區旗，今年都唔例外，中心噚日喺破曉時分約5時35分舉行升旗儀式，慶祝香港回歸。長江集團噚日亦喺包括《大公報》等在內嘅多份報章登廣告，慶祝中國共產黨成立105周年之餘，亦慶祝香港回歸29周年。Emily翻看舊年7月1日嘅《大公報》，當日幾十版嘅慶回歸28周年廣告頁中，唔見長實嘅廣告，而2024年慶祝香港回歸27周年時，《大公報》就有刊出長實嘅慶回歸廣告。