【明報專訊】今年七一有逾3400間食肆提供慶回歸優惠，多位官員噚日落區歎美食。副政務司長卓永興、副財政司長黃偉綸同副律政司長張國鈞一齊去咗上環太興食燒味拼盤等，卓永興話餐飯原價460元，七一折後平咗133元，優惠唔止令佢感受到暖暖人情味，仲反映店家濃濃嘅愛國愛港熱忱，呼籲大家利用七一優惠歡度回歸佳日同提升生活幸福感。佢仲話七一折嘅吸引下，現場相當旺場。財政司長陳茂波就去咗鵝頸街市熟食中心搵食，仲同市民合照。