是咁的，話說屋企附近都係食肆同車房，堅嘈，瞓覺要關好全屋既窗再用埋耳塞先瞓到。

之但係，冬天冇問題，夏天會焗死。

唔想成日開冷氣﹐會風濕（係呀我係阿婆），唯有開風扇。

上年本來想買「美的」果把古銅色風扇，好靚ga，不過，嘈，放棄。

最後買左呢把，貪佢靜。

點知，佢有個mode原來好好用。

From for blog

果個Yuragi，叫咩「自然韻律風」（咁上下啦～），絕對有助入睡。

個風時細時大，唔會吹得好行，有時會停下，真係好似natural既風咁，唔會吹足成晚咁行吹到頭痛。

最緊要既係，幾舊水有交易。

我知好鬼柒寫呢d師奶野，但真係好用呀嘛，好過成日開冷氣啦。