你知唔知感冒菌入耳係咩感覺？

果種痛，好似有人用枝鐵枝，由你左耳插入，穿過個腦，再由右耳拮返出o黎。

除左想死想打人想講粗口，你唔會有第四種想法出現。

而o係呢個樣況，你唔敢請假仲要o係cabin裡面工作你會變得目無表情。

而o係呢個樣況，當你問左個客三次chicken or beef佢仲要諗左7秒都未有決定你會開始黑面個心好想拖佢出o黎踢佢入galley拉埋curtain由oven拎D新鮮滾熱辣既entree兜頭兜腦掟死佢。

而o係呢個樣況，當你高速推緊food cart有客突然拉你隻手整到你既指甲你痛到入心入肺跟住你發現成塊手甲已經冇左你會想殺左個客全家。

我唔理啦，我要請假。