「你近排有咩感情煩惱呀？」

「我既感情煩惱係我一d感情煩惱都冇。」


o係零晨4點鐘呢一刻，我仲未執好行李，亦未做flight preparation。

阿姆斯特丹既氣溫大約係3至10度，我唔鍾意冬天，我唔想去咁遠既地方，甚至唔想離開屋企。

以前唔介意做長途機，係因為知道o係香港落機既時候，會有人o係gate B度等我，就算幾早都好，都可以遠遠見到果個屬於我既180cm既身影。就算平時再刁蠻，果一刻都會覺得好窩心。

我會o係朝早8點鐘返到香港，但已經唔需要o係gate B張望，搵出果張等待我既臉孔。應該話，係好耐都冇試過要抬高頭去搵呢個人。

唔係冇人願意o黎接機，而係我有我既情意結，只會想o係gate B見到我鍾意既人，由佢去幫我拖行李。

可能我真係太寂寞啦，亦唔識得好好管束自己既心。呢一刻，我相信任何人走o黎我身邊，叫我做佢女朋友，我都會應承。

我的確就係一個咁冇用既女人。