渣估：

Happy birthday to you... 雖然我唔知你幾號生日。

生日一定要慶祝，唔係單單為自己，亦係為養大我地既父母慶祝。

媽咪咁辛苦生左我地出黎，爹地媽咪咁辛苦湊大我地，佢地明明可以用養我地既錢去享受人生。

o係父母心目中我地好似永遠唔夠大咁，永遠都想我地快高長大。所以，又大一歲啦，幾咁好！

由我有記憶開始，每年都有慶祝生日。

細個果陣生日正日由屋企人同我慶祝，大個左就同朋友慶祝。到開始拍拖啦，每年都同男朋友過。

同好多小朋友一樣，我都o係麥當勞開過生日會，收過barbie做生日禮物。

最深刻既係大專畢業，行畢業禮既一日，亦都係我既生日。我記得果日同屋企人、最好既朋友同當時既男朋友一齊飲茶。男朋友仲送左peony俾我做畢業花束，同第一個LV手袋俾我做生日禮物。

雖然以後仲會有好多生日，亦會有人用豪華或者特別既方式同我慶祝，但最深刻既，永遠都係23歲果一年。

所以呢，生日慶祝o下，幾好丫。第時老左，坐o係搖搖椅度曬太陽，有多d美好既野可以回憶。

生日一定要快樂，一定要。

Elaine