我一把年紀
成日比人問
你之後會點?
你點解唔去讀碩士?
你唔去讀個學位將來好難有機會升職呀，不如去大陸讀番個啦!
你擔唔擔心自己前途?
你怕唔怕會無咗份工?

你慣唔慣咁樣問人?
我好唔慣咁比人問
我十幾歲時已經一個人住自己照顧自己
我畢業十幾年個個月有收入無問過朋友借錢
如果係無嘢同我講
不如唔好出聲啦

我幾十歲人
話大唔大話細唔細
唔敢講有好多經歷但絕對唔係一張白紙
最近我開始明白呢個世界點解會有咁多人鍾意認屎認屁
因為只要你齋辦事唔吹水就總會有人睇你唔起
當我一次又一次聽到某些金玉良言
都唔知應該感動定感慨

我想講
可能好少人知道
我本來係一個小販
如果講識揀自己條路
我已經識揀過好多人
而且一路行得幾好
個世界好大
唔係升職加薪比老細賞識先叫有意義
做人仲可以……..
唉，其實呢d說話我又點會同人講
通常自己知就算

周星馳話齋:唔通我識如來神掌又要話你知咩!