呢期最沉迷係狂追八十年代處境喜劇Yes ,Minister，果然名不虛傳，真係值得追，故事講一個新任內閣大臣(類似香港的問責局長)同佢個政治顧問(類似香港的常秘)之間嘅故事，一個空降而來的大臣，辦事以選票為目標，而一個老練嘅文官，事事按章而行，永遠要守護自己個部門唔可以出位出錯，其實每一集都是一場政治角力，也帶出一些運作政府會面對的困難和荒謬之處，老實講，我咁大個人真係未見識過咁有深度嘅處境喜劇，劇中嘅政治爭議同官場鬥法，似乎在任何時間，任何地方都有可能重演，現在每晚睇一集已經成為我嘅睡前節目，我最欣賞那些政客之間尖醱刻薄但又表面容氣嘅對話，有D即刻已經好爆笑，有D仲勁，要諗清楚佢講咩先知佢有幾寸，寸咗人都扮哂無事，對方又吹你唔漲，真係至高境界。