我再次發現自己都係一個唔停得的人，總是攪完一樣又一樣。又可能是近日 愛人 忙著迷戀 < 我是金三珣 > 的男主角三石哥吧，所以有多了點時間亂攪作及工作。

之前忙碌著有關 wto 的 cd ，現在又著手攪「觸映份子」出的 cd 。攪呢張碟的同時，又著手攪另外兩張 cd ，都是自己幾年內積下來的作品。妳會問點解 ? 係喎 !!! 唔知點解作埋作埋都幾多歌喎，現在是這樣想的，如果作左又唔去好好地錄起及出版，其實就是沒有作過的。咁我又問自己，作來為何 ? 無非都係交流吧了，都係多個途徑給朋友了解多一點潘志雄的想法吧 ~~ 有心想聽的朋友等多個月啦 !!!
6 月 3 日晚上在老尖文化中心的空地正式發行，聽到那裡有音樂聲就過來啦。

另外兩件可大可少的事

近日覺得原來做住家菜真係唔易的，愛人 忙著返工，而我的工作又時常要在家中進行，有時是剪片有時在計劃工作坊的課程等。總之，在家中時間長的，家務就總是做得比較多，特別是這樣潔癖的我。總是 留不到愛人有時間收拾前已經比我攪左。我懷疑我這壞習慣已經種壞了她，有以無以她是會留給我做的 ( 家務 ) ，但各位觀眾唔好忘記，我只是在家中工作而唔係唔使工作喎，咁即係話我其實係返工之餘再打多份家務助理喎，點攪先。

近日時常搵番一些一年見唔到 3 次而又有感情的朋友，唔知呢 ? 近期有 d 古 怪的想法，就是怕下一次與朋友見面時是在某朋友的葬禮，真係大吉利是。搵番一位好友過來新居一聚，在聯絡中才知道他已經靜靜地結婚，心有點不快，衰仔結婚 都唔搵我，如果唔係搵佢來新屋一聚也不知道他結左婚。雖然結婚都係兩個人的事，對於我來講朋友結婚都會為他們祝福，登他們開心的。點都好啦知道大家健健康 康又未死就放心吧，不過話是話我有另一位朋友已經兩年沒聯絡了，對上一次可能是他來聽噪音音樂會見到，還要好似係我在台上見到佢在觀眾位的。近日搵佢電話 改了沒有下落，都有點擔心的，祝平安吧 !!!