依稀記得三年多前第一次見袁彌明，其時她選美倒灶但獲力捧拍劇，甚麼「有料薛凱琪」的美譽都冠上了，跑得比三甲港姐都快，「監製話我個樣好適合拍劇。」新紮花旦一臉天真。
花旦夢碎，發展下去最穩定的Job叫《娛樂直播》主持，加上被生理病害得變發水麵包，客串《肥田囍事》做肥妹甲，連後隨的師妹徐淑敏都趕上接棒做「青衣薛凱琪」了，還有甚麼好怨。
袁彌明賦閒在家寄情寫Blog扑中了一個天掉下來的機會，際遇這回事你不可不信。
「去年我隨意在Blog踩了某位為鞏固自己的才女形象要『撻朵』的女星兩句……Blog當日瀏覽人次隨即達6位數字，我隨即收到無數粗口留言，大開眼界，才女的Fans果然勁，滿口粗口文采……寫寫有人找我寫專欄。」——袁彌明《反．串》的自序。
寫寫又踩中崔建邦條尾，TVB勒令停職。
「捱到今日唔死得我好Proud Of自己 。」不串，還有少許淚光。
「太無理太少錢的Job我唔會接，自己搞唔掂就問蕭定一、問行內的朋友意見，其實我搵錢仲多過以前。
「沒有經理人跟，人覺得我易話為，少布都OK，但去Event冇人跟，我一個人做埋助手、司機又要應付記者都幾吃力。」
可能你會質疑單靠寫書又不掛單任何公司如何生存？
「我媽媽一直是靠炒樓賺錢，她眼光很準，我都『執』唔少。
「沒有電視台那份糧，我可以在第二度搵得番。」
不會沒公司向你招手——
「有邊間公司真係好？大規模的競爭太大，細規模又……」
靠自己一對手，可是唯一出路。
