【明報專訊】實政圓桌召集人田北辰離開立法會後繼續活躍，佢話日前去咗一個好特別嘅學生畢業活動。佢早前收到一名家長邀請，想請佢去女兒小六畢業禮，原來呢名家長2019年以電郵向佢求助，家長聽、講方面有啲困難，而個女有用「田叔叔英語閱讀計劃」嘅輔助工具，但家長當時話希望有人可以協助仍讀幼稚園K3嘅女兒使用電子書同點讀筆。田二少話收到求助後即上門家訪教女童使用電子工具，估唔到事隔多年，呢名家長邀請佢上周六去見證女童小六畢業禮。