【明報專訊】港台電視32將轉做新聞台，早前已傳出有幾個前資深主播會加盟，港台噚日喺facebook發帖公布9個新聞主播嘅陣容，張圖上面寫住「專業求真 港台新聞」，而港台門外都已掛出同網圖一樣嘅大型海報，有齊9個主播嘅大相同姓名。除咗港台記者，主播團隊仲有有線新聞前總主播王巧、TVB明珠台前主播Melissa Gecolea、TVB前主播容家耀等。港台預告今個星期五會舉行港台32嘅新節目巡禮。