【明報專訊】早前畀貿發局取消今屆書展參展資格（DQ）嘅旺角樂文書店，噚日喺facebook宣布「48周年大減價」，書籍全面六五折發售，唔少網民留言「撐場」，亦有人擔心樂文因為早前入咗書先被通知冇得參加書展，「替書店心痛」，呼籲大家支持。Emily噚日致電樂文書店查詢係咪因應書展提早入貨，職員話唔方便受訪，但提到優惠期噚日開始，未知會做到幾時。