【明報專訊】前年「Chubby Hearts Hong Kong」巨型飄浮紅心藝術裝置獲文化藝術盛事基金資助約780萬元，噚日建測規園界立法會議員劉文君舊事重提，喺立法會一個委員會會議上關注旅發局當年係點樣出標，形容涉及嘅款額有啲人會覺得嘩然。旅發局總幹事劉鎮漢就話活動係第三方舉辦，局方無參與，但有幫手喺網站推介。當委員會主席周小松問「劉議員有冇跟進？」劉就有口難言咁話「好難咁跟進」。