【明報專訊】港鐵於2024年尾推廣乘搭扶手電梯「左右企穩」，叫大家唔使讓路畀人上落，引起熱議，港鐵噚日舉行「2026扶手電梯安全運動」啟動禮，繼續堅持叫人乘搭扶手電梯時要「扶定定、企定定、左右都要定」。港鐵車務營運及本地鐵路副總監李婉玲話，約六成事故與乘客喺扶手電梯上行走時失衡、被他人碰撞或攜帶大型行李有關。港鐵未有提供因為乘客企埋一邊讓路而衍生嘅意外比率，但指曾有因讓路而發生意外嘅案例。