【明報專訊】唔少人關注公廁衛生，民建聯5月走訪中西區55間公廁，發現超過四成地面濕滑，超過七成無貼出清潔更表，質素比舊年巡查時下跌。其中卑路乍灣海濱長廊公廁嘅男廁同女廁評分最低，除咗地面骯髒、濕滑兼有異味，仲要無廁紙同抹手紙，甚至無清潔更表，建議政府加強人手巡查，安裝抹手紙機同改善抽風設施等。