【明報專訊】香港早前舉行國際龍舟邀請賽，投資推廣署噚日宣布好消息，話國際龍舟聯合會（國龍聯）位於香港嘅全新全球總部啟用，象徵國龍聯35年後重返發源地。國龍聯將總部由倫敦搬返香港，國龍聯主席Claudio Schermi話，國龍聯35年前喺香港成立，重返香港猶如將龍舟帶回家，又話將會喺香港招聘全職員工，善用香港專業人才拓展龍舟運動嘅全球影響力。