【明報專訊】奧運劍擊金牌運動員江旻憓「空降」當選立法會旅遊界議員，當然要惡補一下知識，佢噚日喺社交媒體出帖，現身「領隊試前訓練課程」嘅課室，佢話只係去了解吓行業發展及知識，做個旁聽生。佢並引述課程資料，話領隊係前線最直接負責旅客生命、財產及行程順暢嘅角色，相比導遊側重解說，領隊更承擔全程照顧、危機處理與團體管理責任。