【明報專訊】立法會大樓舊年完成擴建工程，包括增加咗6號會議室，事隔超過半年，噚日第一次用嚟舉行公開會議，審議修訂《證據條例》。Emily噚日去新會議室聽會，原來記者席唔係設喺會議室內，而係同公眾席合併喺同一間房（相中不見），同會議室隔住塊玻璃，仲有保安員陪Emily及公眾一齊聽足個幾鐘頭。Emily之後轉去公眾席旁邊嘅攝影室，影咗圖中呢張相，可見會議室係橫向設計，比較難影到官員正面，亦只望到委員會主席嘅側面（圖左方）。