【明報專訊】出版商「亮光文化」日前喺facebook帖文提及，填詞人林夕新書《不來也不去》喺書展有售，但有網民話噚日已經買唔到林夕嘅著作。噚日Emily到訪攤位，搵唔到林夕作品，而原本印有《不來也不去》封面同林夕姓名嘅宣傳板已被遮蓋。職員解釋作品已售罄，故遮蓋宣傳板，亦唔會再返貨。Emily向貿發局查詢，問知唔知該書係咪停售、有無人投訴等，貿發局話不評論個別個案，若收到有關涉嫌違反《申請條款及展覽會規則》嘅投訴，會按機制處理。