【明報專訊】舊區「三無」大廈管理問題一直令人頭痛，民政事務總署早前推出「聯廈聯管」試驗計劃，結合同區幾幢大廈一齊聘用管理公司管理。牛頭角區街坊福利會就做咗觀塘區聯廈聯管項目嘅承辦機構，成立觀塘區「聯廈聯管」試驗計劃服務中心推展項目。擔任街坊福利會理事長嘅民建聯立法會前議員顏汶羽噚日話，新營運嘅服務中心6月起至今已接觸咗13幢觀塘舊式大廈，睇吓可唔可以幫吓業主搞好大廈管理。