【明報專訊】新世界發展前行政總裁鄭志剛上年淡出集團業務，但仍非常關心佢任內參與嘅啟德體育園項目。佢前日喺Threads發文，自言同團隊用咗7年時間興建啟德主場館，仲考考網民，問主場館「外立面的顏色叫什麼名字？」不過部分網民就乘機表達對體育園嘅不滿，例如主場館停車場唔畀私家車上落客、場地座位冇杯架等，亦有網民留言「請問個天幕咩時候會開？」