【明報專訊】香港運動節下個月21日至23日（周五至周日）喺會展舉行，今年主題係「敢運動大排檔」，大會話大牌檔同運動象徵靈活、快速、堅毅精神，仲有滿滿人情味同動人故事。大會話想邀請市民一齊落場，所以場內會有唔少新興運動班畀參加者體驗，例如圓網球、桌上排球、日系平地花式滑雪、飛盤高爾夫等，有興趣嘅聽日開始可以喺大會網站預約時間。