【明報專訊】南九龍獅子會上年10月起為觀塘樂華南邨104戶長者免費裝「智慧門磁感應器」，若大門48小時無開關，就會有關愛隊打電話或上門聯絡。計劃推行逾半年，錄得226次警報，其中46次因聯絡唔到住戶而要上門查問，所有個案最終確認安全，無長者喺屋企受傷或失救。團體話警報響起主因係長者出遊或急病入院未及時通知。