【明報專訊】近日陰雨綿綿，但淋唔熄立法會足球隊練波嘅熱情。科創界邱達根（背號12）喺facebook話，前晚5個議員、仲有議員助理加立法會保安部職員喺雨中參加「第二課操練」，繼續由名宿楊健強同山度士指導，仲話「期待我哋下一場嘅正式比賽！」佢同Emily講，年底前肯定有正賽，但具體時間未定，亦無透露對賽方。立法會足球隊成員包括10幾個議員，前晚除咗邱達根，勞聯林振昇、自由黨梁進、經民聯卜國明同新界東南方國珊都有落場。