【明報專訊】立法會日前舉行閉門嘅「行政長官與立法會議員對談交流會」，據聞身兼油尖旺區議員嘅經民聯選委界議員鄧銘心談及打風後議員善後嘅「打卡」文化，形容「此風不可長」，有報紙專欄噚日引述政界形容鄧「太直白」，欠政治智慧。鄧銘心隨後主動向傳媒以文字回應報道，強調自己從來只講「真心話」，又自言係「被要求交相」嘅一員，否則「我點講得出呢啲嘢丫」。